78 ёшли курер ҳаётини ўзгартирган саховатпеша одамлар ҳаракати

АҚШнинг Теннесси штати, Манчестер шаҳрида яшовчи Бриттани Смит кекса жуфтликнинг кундалик ҳаётини бутунлай ўзгартириб юборди. Ҳаммаси “DoorDash” орқали таом буюртмаси билан бошланди. Курер сифатида ишлаётган 78 ёшли Ричард Паллининг ёши анча ўтган, шу боис зинадан буюртмани олиб чиқиш унинг учун оғирлик қилаётгани видеога ҳам тушган. Смит хоним эса бу ҳолатни кўриб, унинг қийин аҳволидан таъсирланди.

Маълум бўлишича, Ричард нафақада бўлганига қарамай, молиявий қийинчиликлар туфайли ишлашга мажбур эди. Унинг рафиқаси Бренда эса ишсиз, кундалик харажатлар ва тиббий муолажалар учун маблағ етишмайди. Шу боис жуфтлик буюртмаларни уйга етказиш хизматида ишлашни қарор қилди: Бренда машина ҳайдар, Ричард буюртмани мижозга олиб борарди.

Смит хоним курерга катта миқдорда чой пули беришни хоҳлади, лекин илова орқали бунинг имкони бўлмади. Шунингдек, у видеони ижтимоий тармоқка жойлаб, Ричардни топишда ёрдам сўради. Тез орада 32 мингдан ортиқ шахс иштирок этди ва деярли 955 минг доллар маблағ йиғилди.

“Биз танимасак ҳам одамлар ёрдамга шошилишига ишониш қийин. Бу ҳақиқий мўъжиза”, деди Бренда Палли. Ричард эса маблағнинг тез йиғилиши туфайли бир неча кун уйқусиз қолди.

“Энди бу пуллар биз учун улкан юкдан халос қилди. Ҳаётимиз яна ўз изига тушди”, деди Ричард Палли.