Ўзбекистонда 70 ёшдан кейинги оталар сони маълум қилинди
2025 йилда 48 нафар эркак 70 ёшдан ўтгандан сўнг ота бўлган. Бу ҳақда Миллий статистика қўмитаси расмий маълумот берди.
Маълумотларга кўра, 2025 йилда Ўзбекистонда 879 599 та туғилиш қайд этилган. Туғилишлар отанинг ёш гуруҳлари бўйича қуйидагича тақсимланган:
- 25 ёшгача — 97 917 нафар;
- 25–39 ёш — 718 798 нафар;
- 40–59 ёш — 62 246 нафар;
- 60 ёш ва ундан катталар — 638 нафар, шундан 70 ёшдан ошганлар — 48 нафар.
Эслатиб ўтамиз, аввалроқ Ўзбекистонда 12 мингдан ортиқ аёл 40 ёшдан кейин она бўлгани хабар қилинган эди. Шунингдек, 2025 йилда туғилиш ва никоҳлар сони камайган. Статистикага кўра, 2025 йилда 884 500 бола туғилган – бу 2024 йил (926 400) билан таққослаганда 5,3 фоизга кам. Бу камайиш деярли барча ҳудудларда кузатилган.
Шунингдек, никоҳлар сони ҳам пасайган. 2025 йилда 267 100 та никоҳ қайд этилган – бу сўнгги 15 йилдаги энг паст кўрсаткич бўлиб, 2024 йилга (271 800 та) нисбатан 1,7 фоизга кам.