Хонзода тез орада турмушга чиқишини маълум қилди

Актриса Хонзода Камбарова “Нима овқат” кўрсатуви меҳмони бўлди ва дастур давомида томошабинлар учун ёқимли янгиликни эълон қилди.

Кўрсатув бошловчиси актрисадан:

— “Сиз ҳозир бахтлимисиз, 100 фоиздан неча фоиз бахтлисиз?” — деб сўради.

Хонзода эса самимий тарзда шундай жавоб берди:

— Албатта, бахтлиман. 100 фоиз эмас, 1000 фоиз бахтлиман. Нега бахтли бўлмай? Еганим олдимда, емаганим орқамда. Фарзандларим ёнимда, қорни тўқ, соғ-саломат. Энг муҳими — яқин кунларда яна турмушга чиқаман.

Шундан сўнг бошловчи:

— “Ростданми? Йигитингиз ҳозир борми? Бўлажак турмуш ўртоғингиз ҳақида озгина маълумот берсангиз, жуда хурсанд бўлардик”, — дея қизиқди.

Актриса бу саволга ҳам очиқ жавоб берди:

— Ҳа, албатта, рост. Совчи-повчилар келган, ҳаммаси бўлган. Улар интернетни ҳам, санъатни ҳам ёқтирмайдилар. Ҳатто актрисалигимга ҳам қаршилар. Ҳаммасини ёпиб юборсанг ҳам розиман дейдилар, — деди у.

Мазкур хушхабар томошабинларни қувонтирди ва ижтимоий тармоқларда кўплаб мухлислар Хонзодага бахт ва омад тилаб, илиқ изоҳлар қолдирди.