Имрон концертида Дурдона билан кутилмаган дует янгради (видео)
Хонанда Имрон ўз концерт дастури давомида актриса Дурдона билан саҳнада дует ижро этди. Ушбу чиқиш залдаги меҳмонлар ва мухлислар учун кутилмаган, аммо жуда ёқимли сюрприз бўлди.
Дует томошабинлар томонидан илиқ кутиб олинди. Залдаги мухлислар ижрони қарсаклар билан қўллаб-қувватлаб, санъаткорларнинг саҳнадаги уйғун чиқишини катта ҳаяжон билан қарши олишди. Томошабинларнинг фикрига кўра, ушбу дует концертнинг энг ёрқин ва эсда қоларли лаҳзаларидан бирига айланди ҳамда мухлисларни чин дилдан қувонтирди.
Концерт якунидан сўнг Имрон Дурдона билан биргаликда ижро этилган дует ҳақида ҳам ўз фикрларини билдирди.
— Бу чиқиш мухлисларимизнинг талаби асосида амалга оширилди. Қилаётган барча ишларимиз, саҳнадаги ҳар бир ижройимиз аввало халқимиз ва мухлисларимиз учундир, — деди хонанда.