Хитойдаги заводда кучли портлаш: 8 киши ҳалок бўлди
0
Хитойнинг шимолий ҳудудида жойлашган Шанси провинциясида портлаш ҳодисаси рўй берди. Xinhua ахборот агентлиги хабарига кўра, Шочжоу шаҳри, Шанин округида жойлашган “Жиапенг” биотехнология заводидаги устахонада юз берган портлаш натижасида саккиз нафар киши ҳалок бўлган.
Портлаш сабаблари ҳозирча номаълум. Маҳаллий расмийлар ҳодиса юзасидан тергов бошлашганини маълум қилишди. Компания ходимларидан бири ҳозирда ҳуқуқ-тартибот органлари томонидан ҳибсга олинган.
Воқеа жойида тергов гуруҳи ташкил этилиб, портлаш сабаблари ва бошқа тафсилотлар аниқлаштирилмоқда. Расмийлар ҳодиса юзасидан қўшимча маълумот берилишини билдирган.