Гулсанам Мамазоитовадан янги премера: “Аямай” қисқа фурсатда тингловчилар эътиборини тортди (аудио)
Хонанда Гулсанам Мамазоитова кеча, 1 феврал куни соат 18:00 да ўзининг янги — “Аямай” номли таронасининг аудио талқинини тақдим этди. Мазкур қўшиқ YouTube платформаси орқали тингловчиларга ҳавола қилинди.
“Аямай” таронасининг сўзи ва мусиқаси муаллифи — Шахбоз Носиржонов. Ушбу қўшиқ севги туйғулари, қалб кечинмалари ва инсонни ўйга толдирадиган самимий изҳорлар ҳақида ҳикоя қилади.
Гулсанам Мамазоитованинг бетакрор, майин ва жозибали овози қўшиқ матнидаги ҳар бир сўзга алоҳида маъно бағишлаб, тингловчи қалбига бевосита етиб боради. “Аямай” севги изҳори, қалб ноласи ёки унутилмас бир хотирага айланган туйғулар ифодаси бўлиши мумкин.
Таронадаги оҳанг ва мусиқий уйғунлик эса тингловчини ўзининг сеҳрли оламига чорлаб, ҳар бир лаҳзадан завқланишга ундайди. Янги ижодий иш хонанданинг мухлислари томонидан илиқ кутиб олиниши кутилмоқда.