Apple ва бошқа брендлар 2026 йилда қандай гаджетларни тақдим этади
2026 йилда Apple, Samsung ва бошқа йирик электроника ишлаб чиқарувчилари янги қурилмаларини бозорга олиб чиқишни режалаштирмоқда. Улар орасида арзонроқ ноутбуклар, соғлиқни назорат қилишга йўналтирилган тақиладиган гаджетлар ҳамда ички сунъий интеллект имкониятлари кучайтирилган ечимлар бор. Бу ҳақда kursiv.uz хабар беради.
Инсайдерлар маълумотига кўра, Apple илк бор нисбатан бюджет сегментига кириши мумкин: компания тахминан 600 доллар атрофида баҳоланаётган ноутбук моделини синовдан ўтказмоқда. Нархни пасайтириш ҳозирги MacBook’ларда ишлатилadigan M-серияли процессорлар ўрнига A18 Pro мобил чипидан фойдаланиш ҳисобига таъминланиши кутилмоқда. Янги қурилма ўқиш, ҳужжатлар билан ишлаш ва кундалик вазифалар учун мўлжалланади.
Шунингдек, йил охирига яқин Apple камерали, микрофонли ва Siri орқали овозли бошқарувни қўллаб-қувватлайдиган илк ақлли кўзойнакларини ҳам намойиш этиши эҳтимоли бор.
Samsung ва Google эса 2026 йилда эътиборни соғлиқ кўрсаткичларини кузатишга хизмат қиладиган тақиладиган электроникани ривожлантиришга қаратaди. Кутилишича, Galaxy Watch’га юрак етишмовчилиги хавфини эрта аниқлашга ёрдам берадиган функциялар қўшилади, Pixel Watch эса қон босими кўтарилиши эҳтимолини олдиндан баҳолаш воситаларига эга бўлади.
Бундан ташқари, Samsung янгиланган дизайн ва узоқроқ автоном ишлаш вақти билан Galaxy Ring ақлли узугининг иккинчи авлодини тайёрламоқда.
Тақиладиган қурилмалар бозорига «Яндекс» ҳам киришни режалаштирган: компания AI-ассистент интеграцияланган «ақлли» қулоқчинлар устида ишламоқда. Улар смартфонсиз туриб ҳам брон қилишдан тортиб харидларгача бўлган кундалик амалларни бажаришга имкон бериши айтилади.