Փարիզի դատարանը 10 անձի մեղավոր է ճանաչել Բրիջիտ Մակրոնի նկատմամբ կիբեռհալածանքի գործում
Փարիզի դատարանը մեղավոր է ճանաչել 10 մեղադրյալի՝ Ֆրանսիայի առաջին տիկին Բրիջիտ Մակրոնի նկատմամբ առցանց հալածանքի և վիրավորական հրապարակումների գործով։ Դատավճռի համաձայն՝ մեղադրյալներին նշանակվել են տարբեր պատժաչափեր՝ կիբեռհալածանքի վերաբերյալ պարտադիր իրազեկման դասընթացներից մինչև 8 ամսվա պայմանական ազատազրկում։
AFP-ի լրատվությամբ՝ գործի մեղադրյալներից մեկին դատավարությանը չներկայանալու համար դատապարտվել է նաև 6 ամսվա ազատազրկման։
Գործը վերաբերում է սոցիալական ցանցերում տարածված կեղծ և վիրավորական պնդումներին, ըստ որոնց՝ Բրիջիտ Մակրոնը «ծնվել է որպես տղամարդ»։ Մեղադրյալները, որոնց թվում են 41–60 տարեկան՝ ինչպես քիչ հետևորդ ունեցող օգտատերեր, այնպես էլ ավելի ճանաչված անձինք, մեղադրվել էին առաջին տիկնի սեռական ինքնության և անձնական կյանքի վերաբերյալ չարամիտ ու նվաստացուցիչ մեկնաբանություններ կատարելու մեջ։
Դատական գործընթացի ընթացքում ցուցմունք է տվել նաև Բրիջիտ Մակրոնի դուստրը՝ Թիֆեն Օզյերը՝ հայտարարելով, որ այս կեղծ պնդումները լրջորեն վնասել են մոր հոգեբանական վիճակն ու կյանքի որակը, ստիպելով նրան մշտապես վերահսկել իր արտաքին տեսքն ու պահվածքը՝ զրպարտիչ մեկնաբանություններից խուսափելու համար։
Գործը դիտարկվում է որպես ցուցիչ դատական գործընթաց Ֆրանսիայում՝ ուղղված կիբեռահալածանքի և սեռական բնույթի ատելության խոսքի դեմ պայքարին։
The post Փարիզի դատարանը 10 անձի մեղավոր է ճանաչել Բրիջիտ Մակրոնի նկատմամբ կիբեռհալածանքի գործում first appeared on MediaLab Newsroom-Laboratory.