Блогерлар Фирдавс ва Джессме ажрашмоқда
Ўзбекистонлик блогер Фирдавс Instagram’даги обуначиларига Жасмин Иброҳимова (Джессме) билан ажрашишга қарор қилганини маълум қилди. У ўзининг stories бўлимида рафиқасига бирга ўтказган вақтлари учун миннатдорчилик билдириб, муносабатларни узиш қарори мажбурий бўлганини қўшимча қилди.
Джессме эса бунга жавобан пост эълон қилиб, Фирдавсни эркак кишига хос бўлмаган хатти-ҳаракатларда айблади. У хатоларни кечира олмаслигини таъкидлади ва блогернинг онасидан юзага келган вазият ва ноқулайликлар учун узр сўради.
Фирдавс — ўзининг кулгили видеолари билан танилган ўзбек вайнер, Джессме эса турмуш тарзи ҳақидаги блоглари ва модели билан машҳур. Ушбу жуфтлик ўзбек Instagram’даги энг кўзга кўринган оилали жуфтликлардан бири бўлиб, уларнинг оилавий контенти кўплаб томошабинларни жалб қилган эди.