АҚШ-та өз еркімен елден кетуге дайын заңсыз мигранттарға төлемақы 3 мың долларға дейін ұлғайтылды
АҚШ ішкі қауіпсіздік министрлігі елден өз еркімен кетуге дайын заңсыз мигранттарға берілетін төлемақыны 3 мың долларға дейін арттырды. Бұл жөнінде деп мәлімдеді ішкі қауіпсіздік министрі Кристи Ноэм мәлімдеді.
Ол төлемдерді АҚШ кеден және шекара қызметі іске қосқан CBP Home мобильді қосымшасы арқылы алуға болатынын айтты. Қаражат мигранттың өз еліне оралатындығы расталғаннан кейін аударылады. Бағдарлама 2025 жылдың 31 желтоқсанына дейін жалғасады.
Бұған дейін мамыр айында ішкі қауіпсіздік министрлігі елден өз еркімен кету бағдарламасын іске қосқан. Оның аясында АҚШ-та заңсыз жүрген мигрант елден өз еркімен кетсе 1 мың доллар көлемінде төлемақы ала алған және оның билет құны да өтеп берілетіні айтылған. Ведомство өкілдерінің айтуынша, мұндай шара 17,1 мың долларды үнемдеуге мүмкіндік береді. Оларды іздеу, ұстау және елден күштеп депортациялауға көбірек ақша жұмсалатынын айтқан.