Тұрсынбек Қабатовтың қызы әкесі туралы ашық айтты

Әзілкеш әрі шоумен Тұрсынбек Қабатовтың қызы Айым әкесі туралы ашық пікір білдірді, — деп хабарлайды Massaget.kz тілшісі.

Ол TikTok-та әкесімен бірге түскен суретін жариялады.

«Қандай болса да, әкемді қатты жақсы көремін. Бәрі қателеседі. Ол — өте керемет әке, әрқашан қолдайды. Сені жақсы көремін, әкешім. Сенің жақсылықтарыңды ешқашан ұмытпаймын», — деп жазды Айым.

Сондай-ақ, ол көпшіліктен әкесі туралы талқылауды тоқтатуды сұрады.

«Менің әкем туралы жаман нәрсе айтуды және түрлі видео жасауды доғарыңыздар. Бұл өмірде ешкім мінсіз емес», — деді ол.

Айта кетейік, Тұрсынбек Қабатов пен Мөлдір Мұқанова 2003 жылы шаңырақ көтерген. Ерлі-зайыптының бес баласы бар: үш қыз және екі ұл.

Бұған дейінгі жағдай

Еске салайық, бұған дейін Мөлдір Мұқанова Тұрсынбек Қабатовпен ажырасқанын растады. Мөлдір Мұқанованың сұхбатынан кейін Тұрсынбек Қабатов та пікір білдіріп, балаларын блокқа қоймағанын айтты.

Сообщение Тұрсынбек Қабатовтың қызы әкесі туралы ашық айтты появились сначала на ZhambylNews АҚПАРАТ АГЕНТТІГІ - Жамбыл облысы жаңалықтары.