Тұрсынбек Қабатовтың әйелі сериал түсіріп жатыр
Әзілкеш Тұрсынбек Қабатовтың әйелі Мөлдір Мұқан жасөспірімдер туралы жаңа сериалдың түсірілімін бастады, — деп хабарлайды Massaget.kz тілшісі.
Бұл туралы ол өзінің әлеуметтік желідегі парақшасында жазды.
«Мына Мөлдір тағы не істеп жүр дейсіздер ғой. Еліміздің болашақ жұлдыздарымен кино түсіріп жатырмыз. Астанадан Алматыға чемоданым мен актерларымды арқалап, американско-корейский стильде мектеп жайлы сериал түсіруге келдік. Басты рөлде – жасөспірім 10 оқушы. 10 түрлі мінез, 10 түрлі тағдыр, 10 түрлі арман. Жасөспірімдер мен мектеп жайлы кино болғандықтан біразыңыз үйлеріңіздегі бір-бір бойжеткен мен бозбаланың өмірін былайша айтқанда, ішкі кухнясын кинодан көріп, түсіне аласыздар. Киноның стилі бүгінгінің балаларының қызығушылықтарын ескере отырып таңдалды. Түрлі салада жүріп, көріп жас баланың көзіндегі отты жағу, бойындағы жігерді оятудан асқан бақыт жоқ екенін түсіндім. Ал болашақ жарық жұлдыздарымызға сәттілік тілеп қойыңыздар», — деп жазды Мөлдір Мұқан.
Желі қолданушылары өнер иесінің бастамасына қолдау білдіріп, жылы пікір жазып жатқанын байқауға болады.
Сообщение Тұрсынбек Қабатовтың әйелі сериал түсіріп жатыр появились сначала на ZhambylNews АҚПАРАТ АГЕНТТІГІ - Жамбыл облысы жаңалықтары.