سازمان جهانی صحت: زلزله اخیر در شمال افغانستان بیش از ۱۳۰۰ خانه را ویران کرده
سازمان جهانی صحت در گزارشی تازه اعلام کرده است که زلزلهٔ ۶.۳ ریشتری این هفته در شمال افغانستان، بیش از ۱۳۰۰ خانه را ویران کرده، دستکم ۲۶ نفر را کشته و ۱۱۷۲ تن دیگر را زخمی کرده است.
در گزارش آمده که ولایتهای سمنگان و بلخ بیشترین آسیب را دیدهاند. تنها در سمنگان، ۵۹۵ خانه در ولسوالی ایبک، ۳۰۶ خانه در فیروز نخچیر و ۲۸۴ خانه در خُلم بهطور کامل تخریب شدهاند.
سازمان جهانی صحت همچنان گفته که ۲۱ مرکز صحی از جمله شفاخانهٔ ولایتی سمنگان، شفاخانهٔ ولسوالی بازار سوخته و کلینیک صحی اولیهٔ بلغالی آسیب دیدهاند..
بر اساس گزارش، تیمهای واکنش اضطراری با کمک سازمان جهانی صحت و دیگر نهادهای بشردوستانه به مناطق آسیبدیده اعزام شدهاند.