Арсенал Деклан Райсни Реалга сотиши мумкин
0
Лондоннинг "Арсенал" клуби ўз ярим ҳимоячиси Деклан Райс учун 150 миллион евро нарх белгилади. "Реал Мадрид" Райсга катта қизиқиш билдираётган бўлса-да, "Арсенал" уни сотишни истамаяпти, чунки у жамоанинг асосий ўйинчиларидан бири ҳисобланади.
Fichajes нашрининг хабар беришича, 26 ёшли ярим ҳимоячи жорий мавсум барча мусобақаларда 16 та ўйинда майдонга тушган, 2 та гол урган ва 5 та голли узатма амалга оширган. Райснинг "Арсенал" билан амалдаги шартномаси 2028 йилнинг июн ойигача давом этади.
Transfermarkt маълумотларига кўра, футболчининг бозор қиймати ҳозирда 120 миллион еврони ташкил қилади.