Трамп Марказий Осиёни бой минтақa деб атади

АҚШ президенти Дональд Трамп «C5+1» саммитида Марказий Осиёни «ниҳоятда бой минтақa» деб атади. У Вашингтоннинг стратегик аҳамиятга эга бўлган минералларга қизиқиши борлигини қўшимча қилди.

Reuters агентлигининг хабарига кўра, Трамп сўнгги ҳафталарда АҚШ иқтисодий хавфсизлигини мустаҳкамлаш учун бутун дунё бўйлаб иттифоқчилар ва дўстлар билан муҳим минераллар занжирини кенгайтиришга қаратилган келишувлар имзоланганини таъкидлади. Reuters шунингдек, Марказий Осиёнинг минерал бойликлари учун рақобат кучайиб бораётгани ва Ғарбнинг хомашё етказиб бериш йўлларини диверсификация қилишга интилаётганини қайд этди.

АҚШ муҳим минераллар, энергия ресурслари ва савдо йўлларини рақибларни четлаб ўтадиган йўналишларда таъминлаш учун янги ҳамкорларни изламоқда. Ўзбекистон президенти Шавкат Мирзиёевнинг АҚШ бизнес вакиллари билан учрашуви давомида ҳужжатлар пакети имзоланди, жумладан, Denali Exploration Group ва Re Element Technologies компаниялари билан ноёб ер элементлари бўйича келишувлар эришилди.