Дар Хайбар-Пахтунхоҳ 17 толиби покистонӣ кушта шудаанд
Мақомҳои амниятии Покистон гуфтаанд, ки дар ноҳияи Караки вилояти Хайбар-Пахтунгоҳ ба як маркази Таҳрики Толибони Покистон (ТТП) ҳамла карда, 17 ҷангҷӯйро куштаанд.
Шаҳбоз Илоҳӣ, аз масъулони пулис дар Карак гуфтааст, ки ин амалиёт рӯзи 26 сентябр анҷом шуд ва афзуд, ки дар ин даргирӣ се афсари пулис низ захмӣ шудаанд.
Ӯ ҷузъиёте бештаре ироа накард, аммо афроди кушташударо "хавориҷ" хонд. Истилоҳе, ки мақомоти покистонӣ ба Толибони он кишвар ба кор мебаранд.
Ду рӯз пеш аз ин ҳодиса низ нерӯҳои амниятии Покистон дар ноҳияи Дера Исмоилхон ба як маркази ҷангҷӯён ҳамла кардаанд, ки ба гуфтаи мақомҳо, дар натиҷаи он 13 ҷангҷӯи Таҳрики Толибони Покистон дар даргирӣ кушта шуданд.
Таҳрики Толибони Покистон ё ТТП то кунун дар мавриди ин гуфтаҳои мақомоти амнияти Покистон изҳори назар накардаанд.