Журналистлар: Месси олган икки “Олтин тўп” ҳақсиз
FourFourTwo нашри "Олтин тўп" тарихи давомидаги энг катта ноадолат ҳолатлар рўйхатини тақдим этди.
Биринчи ўринни "Бавария"нинг собиқ ҳужумчиси, ҳозирда "Барселона" сафида тўп суриб келаётган Роберт Левандовски эгаллади. Мутахассислар фикрига кўра, 2021 йилда ушбу мукофотни аргентиналик Лионель Месси эмас, айнан у қўлга киритиши керак эди.
Иккинчи поғонада "Арсенал" клубининг афсонавий ҳужумчиси Тьерри Анри қайд этилди. Журналистлар 2003 йилда айнан француз футболчиси "Олтин тўп"га муносиб бўлган, деб ҳисоблашади. Аммо ўша пайтда мукофот чехиялик ярим ҳимоячи Павел Недведга топширилган.
Учинчи ўринни эса Нидерландия терма жамоаси ва "Интер" клубининг собиқ ярим ҳимоячиси Уэсли Снейдер эгаллади. Таҳлилларга кўра, у 2010 йилда Лионель Мессига қараганда кўпроқ “Олтин тўп”га лойиқ бўлган.