Жасур Умиров иккинчи бор оталик бахтини ҳис қилишга эришди
0
Ўзининг қалбга яқин лирик қўшиқлари ва рақсга чорловчи композициялари билан мухлислар қалбини забт этган ўзбек эстрадасининг ёрқин ва машҳур намояндаларидан бири — Жасур Умиров шахсий ҳаётида муҳим воқеа билан бўлишди. Хонанда ижтимоий тармоқларда қўйган суратлари орқали иккинчи марта оталик бахтига сазовор бўлганини маълум қилди. Умиров бу сафар қизалоқнинг дунёга келишидан шодлигини айтиб ўтди.
Жасур Умиров самимий сўзлар билан ўз туйғуларини ифода этди:
«Яхшидан ҳам яхши кунларинг кўп бўлсин дейишади-ку! Ана ўша кунлар шу бўлса керак», — дея ёзиб қолдирди хонанда.
Унинг бу хурсандчилиги ижтимоий тармоқларда кенг ёйилди. Мухлислар ва ҳамкасблар унга самимий табриклар йўллаб, янги туғилган фарзандига бардавом соғлик ва саодат тилашди.