Xiaomi 17, 17 Pro ва 17 Pro Max расмий суратларда пайдо бўлди
0
Xiaomi компанияси Xiaomi 17, 17 Pro ва 17 Pro Max смартфонларининг расмий суратларини эълон қилди ва уларнинг тақдимоти 25 сентябр куни бўлиб ўтишини маълум қилди, деб Rozetked хабар берди.
Xiaomi 17 базавий модели 6,3 дюймли дисплей, 1,18 мм симметрик чегара ва 19,6:9 экран нисбатига эга бўлади. Корпус текис ён томонларга ва енгил эгилган қирраларга эга. Орқа камера дизайни классик плитка шаклида, сенсорлар ва ёруғлик чақнаши симметрик жойлашган.
Xiaomi 17 Pro ва 17 Pro Max моделлари ҳам худди шу чегара ўлчамига эга экран билан чиқади, лекин улар орқа панелда қўшимча экранга эга бўлади. Шунингдек, улар яшил ва сирмаранг корпусда таклиф этилади.
Барча смартфонлар HyperOS 3 операцион тизимида ишлайди.