Эйнштейннинг илк скрипкаси аукционга қўйилди
Буюк Британияда Алберт Эйнштейннинг илк ва энг суюкли скрипкаси савдога қўйилди. Мутахассислар мусиқий асбоб 405 минг долларгача (тахминан 33 миллион рубл) нархда сотилиши мумкинлигини айтмоқда. Бу ҳақда The Telegraph ёзди.
Эйнштейн скрипкани 1890 йилларнинг ўрталарида, Мюнхендан Швейцарияга кўчиб ўтишидан олдин қўлга киритган. Машҳур физика олимининг биринчи чолғуси Иккинчи жаҳон уруши йилларида яширилган. Қизиқ жиҳати шундаки, унда “Лина” деган ёзув ўйиб битилган.
Кейинчалик Эйнштейн скрипкани бошқа буюмлари қаторида ҳамкасби Макс фон Лауега топширади. Орадан йигирма йил ўтгач, у чолғуни олимнинг мухлиси — Брауншвейглик Маргарета Хоммрихга ҳадя қилади. Узоқ йиллар давомида скрипка қизнинг оиласида сақланиб келган. Ниҳоят, унинг невараси қадимий чолғуни ким ошди савдосига қўйишга қарор қилди.