Талғардағы адамшошырлық қылмыс: белгісіз біреу ер адамды атып, баланы ұрлап кетті

Алматы облысының Талғарда адамшошырлық қылмыс болды. Белгісіз біреу ер адамды атып өлтіріп, кішкентай қызды ұрлап кеткен, - деп хабарлайды Tengrinews.kz тілшісі.
Полицияның мәліметінше, ер адамды өлтіру және кәмелетке толмаған баланы ұрлау деректері бойынша қылмыстық істер қозғалды.

"Тергеу нұсқасы бойынша күдікті мен жәбірленуші (баланың анасы – ред.) бұрын жақын қарым-қатынаста болған. Араларында жанжал туып, сол сәтте күдікті жәбірленушінің ағасына оқ атып, оны сол жерде өлтірген. Қылмыс жасаған соң күдікті баланы ұрлап, жасырынған. Күдіктінің жеке басы мен орналасқан жері анықталды. Оны ұстау үшін шаралар қабылданып жатыр. Сонымен қатар, болған оқиғаның барлық мән-жайын анықтау мақсатында жедел-тергеу шаралары жүргізіліп жатыр", – деді департаменттегілер.

Ал адвокат Гаухар Сәриева әлеуметтік желіде оқиғаға қатысты видео жариялады.
Видеода жәбірленуші Сәриеваның туған әпкесі екені, ал күдікті автосервис қызметкері екені айтылады. Бір ай бұрын ол әйелді зорлады деп айыпталған. Адвокаттың сөзінше, сол кезде полиция ешқандай шара қолдамаған. Екі күн бұрын адвокат күйеуімен бірге күдіктіні ұстап, полицияға тапсырған, алайда келесі күні ол босатылған. Осыдан кейін ер адам Сәриеваның әпкесіне қоңырау шалып, қорқыта бастаған. Кейін ол әйелдің ағасының үйіне барып, оны атып өлтіріп, екі жасар баланы ұрлап кеткен.
Сілтемесіз жаңалық оқисыз ба? Онда Telegram желісінде парақшамызға тіркеліңіз!