«Олтин тўп» ғолиби яқин кунларда маълум бўлади
0
«Олтин тўп» совринининг навбатдаги эгаси ким бўлиши яқинда аниқланади. Daily Post’нинг ёзишича, овоз бериш жараёни якунига етди ва эндиликда натижаларни кутиш қолди.
Танловда ФИФА рейтингидан 100 та мамлакат журналистлари иштирок этди. Улар ҳар бири 10 нафардан футболчига ўрин бериб, тартиб билан жойлаштирди. Шу асосда футболчилар балл йиғишди. Ким кўпроқ балл тўпласа, соврин ҳам унга топширилади.
Бу йилги «Олтин тўп» учун асосий номзодлар сифатида Усмон Дембеле, Ламин Ямал, Ашраф Ҳакимий, Рафинья ва Витинья тилга олинмоқда.
Мукофот маросими 22 сентябрь куни Париж шаҳрида бўлиб ўтади. Эслатиб ўтамиз, ўтган йили шарафли соврин Родрига топширилган эди.