Ўзбекистондаги ОТМларда контракт нархи ошиши мумкинми?
2025/2026 ўқув йилидан бошлаб Ўзбекистондаги давлат олий таълим муассасаларининг контракт миқдори оширилиши ҳақида ижтимоий тармоқларда тарқалаётган хабарлар орасида шубҳалар ва саволлар пайдо бўлди.
Назокат Абдуқундузова бу йил учун давлат олий таълим муассасаларида контракт нархи оширилиши тўғрисида ҳеч қандай қарор чиқарилмаганлигини таъкидлади. Демак, контракт миқдори оширилмаслиги аниқ, деб у таъкидлади.
Шунингдек, бир қанча вақт олдин Жаҳон иқтисодиёти ва дипломатия университети (ЖИДУ) ҳақида хабар берилгани бўйича, 2025/2026 ўқув йилидан бошлаб битта талаба учун контракт нархи 15 фоизга оширилгани маълум бўлганди. Абдуқундузова бунга ҳам изоҳ бериб, ЖИДУ молиявий мустақил олий таълим муассасаси бўлгани сабабли контракт миқдорини мустақил белгилайдиганлигини айтиб ўтди. Ўзбекистонда эса 40 дан ортиқ молиявий мустақил ОТМлар мавжуд.
Қайд этиш жоизки, ҳозирча расман тасдиқланмаган хабарларга кўра, абитуриентларга яқин 1-2 кун ичида янги 6-йўналишни танлаш имконияти тақдим этилади. Шунингдек, “супер-контракт”ларнинг миқдорида ҳам ўзгаришлар бўлиши мумкинлиги ҳақида хабарлар тарқалмоқда. Бунинг барчаси тез орада ректорларга таълим муассасаларида тақдим этиш учун берилган ваколатлар асосида амалга оширилади.
Келгусида контракт нархи ва молиявий шароитлар бўйича турли ўзгаришлар ёки янги имкониятлар келиб чиқиши мумкин. Шу боис, абитуриентлар ва уларнинг оилалари учун янги қарорларни кузатиб бориш муҳим аҳамиятга эга.