«Бейбітшілік пен келісім» жобасы жемісті іске асырылуда
Жамбыл облысында этносаралық келісім мен құқықтық сауаттылықты арттыру бағытында жүйелі жұмыс жалғасуда.
Осы орайда, 2025 жылы «Бейбітшілік пен келісім» жобасы аясында арнайы ақпараттық-түсіндіру тобы құрылып, өңір тұрғындарына бағытталған ауқымды іс-шаралар жоспары бекітілді.
Аталған жоспарға сәйкес, Талас, Шу, Мойынқұм және Т.Рысқұлов аудандарының 24 елді мекенінде барлығы 91 іс-шара ұйымдастырылды. Бұл жұмыстар 2 227 адамды қамтып, тұрғындардың құқықтық сауатын арттыру, қоғамдағы этникалық және тілдік кемсітушілікке жол бермеу мақсатында жүргізілді.
Іс-шаралар жоспарына сәйкес 16 тереңдетілген сұхбат, 3 әлеуметтік зерттеу, 17 ақпараттық-түсіндіру жұмысы, 31 кездесу, 3 семинар, 25 мәдени және спорттық іс-шара ұйымдастырылды.
Әлеуметтік зерттеулер мен сұхбаттар арқылы өңірдегі қоғамдық ахуалға терең талдау жүргізілсе, ақпараттық-түсіндіру шаралары азаматтардың құқықтық мәдениетін көтеруге бағытталды.
Сонымен қатар, өткізілген мәдени және спорттық іс-шаралар этносаралық қарым-қатынасты нығайтуға, қоғамдық бірлікті арттыруға оң ықпал етті.
Жобаның басты мақсаты – қоғамда бейбітшілік пен келісім құндылықтарын дәріптеу, этносаралық татулықты сақтау және ел ішіндегі тұрақтылықты нығайту. Осы бағыттағы жұмыстар алдағы уақытта да жалғасын табатын болады.
Сообщение «Бейбітшілік пен келісім» жобасы жемісті іске асырылуда появились сначала на ZhambylNews АҚПАРАТ АГЕНТТІГІ - Жамбыл облысы жаңалықтары.