Таиланд ва Камбоджа ўт очишни тўхтатиш бўйича музокараларга розилик билдирди
Таиланд ва Камбоджа ўртасидаги уч кунлик қуролли тўқнашувлардан сўнг, АҚШ президенти Дональд Трамп ҳар икки давлат раҳбарлари билан музокара ўтказиб, уларни зудлик билан ўт очишни тўхтатиш бўйича келишувга ундади. Трамп ушбу баёнотни Шотландияга қилган ташрифи чоғида эълон қилди.
Унинг сўзларига кўра, Таиланднинг муваққат бош вазири Фумтам Вечаячай ва Камбоджа бош вазири Хун Манет билан суҳбатдан сўнг томонлар тез орада юзма-юз учрашиб, ўт очишни тўхтатиш ва тинчликка эришиш бўйича музокаралар ўтказишга рози бўлди.
“Иккала томон ҳам зудлик билан ўт очишни тўхтатиш ва тинчликка эришишга интилаяпти,” — деб ёзди Трамп.
Таиланд етти ҳарбий ва 13 фуқаро ҳалок бўлганини билдирган бўлса, Камбоджа томони беш ҳарбий ва саккиз фуқаронинг ўлими ҳақида хабар берди.
Таиландда университет шаҳарчаси вақтинча бошпанага айлантирилиб, у ерда 5 000 дан ортиқ одам истиқомат қилмоқда. Улардан кўпчилиги чегарага яқин жойларда яшаган фуқаролардир.
Чегара можаросининг илдизи — қадимий ибодатхоналар ва белгиланмаган чегара чизиғи
Таиланд ва Камбоджа ўртасидаги 817 километрли қуруқлик чегарасида йиллар давомида ҳуқуқий жиҳатдан аниқланмаган ҳудудлар борлиги сабабли доимий зиддиятлар кузатиб келинади.
Минтақавий ва халқаро аралашув
Малайзия бош вазири Анвар Иброҳим, айни пайтда ASEAN (Жанубий-Шарқий Осиё давлатлари уюшмаси) раиси сифатида, ўт очишни тўхтатиш бўйича ташаббусни илгари сурмоқда.
БМТ Хавфсизлик Кенгашидаги йиғилишда Таиланд вакили Камбоджа томонидан қўшни ҳудудга мина қўйилгани ва ҳужумлар содир этилганини айтди. Камбоджа эса Таиландни “қаъридан ўйланган ва ноқонуний ҳарбий тажовуз”да айблади ва халқаро ҳамжамиятни Таиланд ҳаракатларини кескин қоралашга чақирди.