Қалаға қосылған елді мекендердің мәселесі ескерусіз қалмайды
Тараз қаласының әкімі Бақытжан Орынбековтің төрағалығымен кезекті аппараттық кеңес өтті. Жиында алдымен қала әкімдігі экономика және бюджеттік жоспарлау бөлімі басшысының міндетін атқарушы Дархан Шершатов Тараз қаласына қосылған елді мекендер бойынша Жол картасының орындалуы туралы баяндады.
– Ағымдағы жылы облыстық бюджетке секвестр жасалуына байланысты және қалалық бюджеттің мүмкіндігін ескере келе, бірінші кезекте 2025 жылғы жол картасындағы кезек күттірмейтін және шешімін табуды қажет ететін өзекті мәселерді қаржыландырумыз қажет деп есептейміз. Ол үшін екі аудан әкімідігі елді мекендердегі тұрғындармен кездесіп, бірінші кезектегі өзекті мәселерді анықтауы керек. Соған сәйкес Жол картасын қайта өзектендіру қажеттілігі туындап отыр, – деді Дархан Ермаханбетұлы.
Шаһар басшысы өз кезегінде Жол картасында межеленген міндеттердің жүзеге асу барысы әлі де төмен екенін атап өтіп, бұл бағыттағы жұмыстарды ширатуды тапсырды. Келесі кезекте Бұқаралық спорттық іс-шаралар өткізу орталығының басшысы Мақсат Нареш шаһардағы спорт алаңшаларының жағдайына тоқталды.
Сонымен қатар кеңесте 2025 жылдың қаңтар-шілде айларының қорытындысымен Тараз қаласы бюджетінің болжамды орындалуы, мемлекеттік сатып алу конкурстарының өткізілу барысы, «Тараз» индустриалды аймағын кеңейту, Кеңес Одағының батыры А.Сухамбаевқа гүл шоқтарын қою рәсімі және Ұлы ақын, ағартушы Абай Құнанбайұлының 180 жылдығын атап өту, балалардың жазғы демалысының ұйымдастырылуы, қала көшелеріне атау беру және заңсыз орналасқан сауда дүңгіршектерін алу жайлы өзекті мәселелер жан-жақты қаралды.
Кеңесті қорытындылаған қала әкімі күн тәртібіне шығарылған әрбір мәселе бойынша сала басшыларынан есеп алып, нақты тапсырмалар жүктеді.
Сообщение Қалаға қосылған елді мекендердің мәселесі ескерусіз қалмайды появились сначала на ZhambylNews АҚПАРАТ АГЕНТТІГІ - Жамбыл облысы жаңалықтары.