اروپايي ټولنه د امریکا د لوړو تعرفو او سوداګریزو ستونزو پر حل لارو او متقابلو اقدامات کار کوي
اروپايي ټولنه وايي، د امریکا د ولسمشر ډونالډ ټرمپ له لورې پر دې ټولنه د لګول شویو لوړو تعرفو او سوداګریزو ستونزو پر حل لارو او متقابلو اقداماتو کار کوي.
رویترز خبري اژانس نن چهارشنبې د اروپايي کمیسیون په حواله راپور ورکړی چې د دغې ټولنې غړي هېوادونه له امریکا سره د سوداګرۍ په خبرو اترو کې د یوې پایلې د ترلاسه کولو په تمه دي.
ټاکل شوې د اروپايي ټولنې د سوداګرۍ کمیشنر ماروس سیفکویچ نن ماسپښین د امریکا د سوادګرۍ له وزیر هاورډ لوټنیک سره د لوړو تعرفو په اړه خبرې وکړي.
امریکا له اروپايي ټولنې د توکو پر صادراتو لس سلنه او د دې ټولنې د پولادو پر صادراتو۵۰سلنه، د المونیو پر صادراتو۲۵سلنه او د موترو پر پروژه جاتو ۱۰سلنه تعرفه وضعه کړې ده.