Мажбурий суғурта суммаси 2026 йилдан 2 баробарга ошади
0
2026 йилдан бошҳлаб транспорт воситалари эгалариининг фуқаролик жавобгарлигини мажбурий суғурта қилиш бўйича суғурта қоплами 80 млн сўмгача (амалда 40 млн сўм) оширилади. 2026 йил 1 апрелдан эса Ягона суғурта биллинг тизими жорий этилади, деб «Gazeta.uz» хабар берди.
Вазирлар Маҳкамасининг 2025 йил 23 июлдаги «Ўзбекистон Республикаси президентининг «Суғурта хизматлари бозорини янада ривожлантиришнинг комплекс чора-тадбирлари тўғрисида» 2024 йил 1 мартдаги [ПҚ-108-сон] қарори ижросини таъминлаш чора-тадбирлари ҳақида»ги 458-сон қарорига кўра, транспорт воситалари эгалариининг фуқаролик жавобгарлигини мажбурий суғуртасига тегишли ўзгартиришлар киритилди.
Ушбу қарор билан суғурта тарифлари қайта кўриб чиқилиб, суғурта суммалари ва мукофотлари бозор тамойилларига мувофиқлаштирилди. Суғурта суммаси 2026 йил 1 январдан бошҳлаб 80 млн сўмгача оширилади, бу ЙТҲ натижасида жабрланган шахсларнинг мол-мулкига, ҳаётига ва соғлиғига этказилган зарарларни қоплаш учун талаб қилинган маблағни мослаштиришга хизмат қилади.
Ҳайдовчилар сонига қараб чекланган ва чекланмаган полицаларни расмийлаштириш механизми белгиланди. Мажбурий суғурталаш мажбуриятининг бажарилишини назорат қилиш учун масъул органлар ва Ягона автоматлаштирилган ахборот тизимини юритиш тартиби аниқлаштирилди.
2026 йил 1 апрелдан Ягона суғурта биллинг тизими жорий этилади, бу полицаларни расмийлаштиришда суғурта мукофотлари тушумларининг марказлаштирилган ҳисобини юритишни таъминлайди.