Microsoft заифлиги 400 ташкилотни хавф остига қўйди

Microsoft'нинг SharePoint дастурий платформасидаги заифликдан фойдаланган ҳолда амалга оширилган кенг қамровли кибержосуслик кампанияси ҳозиргача камида 400 ташкилотни жабрланувчи сифатида рўйхатга олди. Бу ҳақда Голландияда жойлашган компанияси Eye Security мутахассислари маълум қилди.

Аввалроқ ҳужумдан 100 та ташкилот жабрлангани айтилган эди, аммо кейинги текширувлар реал миқёс анча кенгроқ эканини кўрсатмоқда. Мутахассислар бу рақам ҳали ҳам тўлиқ эмаслигини, чунки барча ҳужум излари аниқланмаганини таъкидламоқда.

“Ҳужум натижасида қолган барча излар сканердан ўтмаган. Шунинг учун аслида зарарланган ташкилотлар сони бундан кўп бўлиши мумкин,” — деди Eye Security компаниясининг етакчи мутахассиси Ваиша Бернард.

Хавфсизликдаги хатолик ва Хитой билан боғлиқ даъволар
Ҳужумлар Microsoft'нинг SharePoint сервер дастуридаги хавфсизлик нуқсони тўлиқ бартараф этилмагач бошланган. Бу заифлик аниқлангач, Microsoft уни ямашга уринаётган бир пайтда, кибержиноятчилар уни фаол равишда эксплуатация қилишга киришди.

Microsoft ва Google мутахассисларига кўра, ҳужум ортида Хитойлик хакерлар турган бўлиши мумкин. Бироқ Пекин бу даъволарни рад этган.

Жабрланган ташкилотлар рўйхати ҳозирча тўлиқ ошкор этилмаган. Бернард уларнинг шахсини эълон қилишдан бош тортган.