ესტონეთმა კიდევ 19 ქართველს დაუწესა სანქციები - მათ შორის არიან დეპუტატები და მოსამართლეები
ესტონეთმა დამატებით 19 ქართველ თანამდებობის პირს დაუწესა სანქციები - ინფორმაციას ახალი შეზღუდვების შესახებ ესტონეთის საგარეო საქმეთა მინისტრი მარგუს ცაჰკნა ავრცელებს X-ზე.
სანქცირებულთა შორის არიან "ქართული ოცნების" დეპუტატები, პოლიტიკურად მოტივირებული საქმეების მოსამართლეები, მათ შორის არიან მზია ამაღლობელის საქმის მოსამართლეები ვიქტორ მეტრეველი და ნინო სახელაშვილი, იუსტიციის ახალდანიშნული მინისტრი პაატა სალია და ასევე ახალდანიშნული გენერალური პროკურორი.
"ძალადობას, პოლიტიკურ მართლმსაჯულებას და დისპროპორციულ სასჯელს დემოკრატიაში ადგილი არ აქვს. ესტონეთი კვლავ დგას ქართული სამოქალაქო საზოგადოების, დამოუკიდებელი მედიის და ქართველი ხალხის გვერდით, რომელიც იბრძვის საკუთარი ღირსებისთვის, უფლებებისა და ევროპული მომავლისთვის", - წერს ესტონეთის საგარეო უწყების ხელმძღვანელი.
ახალსანქცირებულ ქართველთა 19-კაციანი სია ასე გამოიყურება:
ნინო გალუსტაშვილი (მოსამართლე)გიორგი გვარაკიძე (გენერალური პროკურორი)ალუდა ღუდუშაური ("ოცნების" დეპუტატი)ილია ინჯია ("ოცნების" დეპუტატი)ირაკლი ქადაგიშვილი ("ოცნების" დეპუტატი)ანი ხუბეჯაშვილი (პროკურორი)მარიამ ლაშხი ("ოცნების" დეპუტატი)გურამ მაჭარაშვილი ("ოცნების" დეპუტატი)მარი მეშველიანი (პროკურორი)ვიქტორ მეტრეველი (მოსამართლე)ჯვებე ნაჭყებია (მოსამართლე, სანქცირების დღეს მან 4 წლით და 6 თვით პატიმრობა მიუსაჯა პროევროპული აქციების ერთ-ერთ მონაწილეს, პოლიციელზე თავდასხმის ბრალდებით დაკავებულ ანრი კვარაცხელიას)ნინო სახელაშვილი (მოსამართლე)პაატა სალია (იუსტიციის მინისტრი)თენგის შარმანაშვილი ("ოცნების" დეპუტატი)ირაკლი შვანგირაძე (მოსამართლე)სოზარ სუბარი ("ოცნების" ყოფილი დეპუტატი, ამჟამად წარმოადგენს მის სატელიტ პარტიას, "ხალხის ძალას")ალექსანდრე ტაბატაძე ("ოცნების" დეპუტატი)სულხან თამაზაშვილი (აჭარის მთავრობის ხელმძღვანელი)ნათია ტატიაშვილი (პროკურორი).ჯამში ესტონეთს სავიზო შეზღუდვა საქართველოს აღმასრულებელი, საკანონმდებლო და სასამართლო ხელისუფლების 102 წარმომადგენლისთვის აქვს დაწესებული.