Ўғлининг келинини олиб қочган ота: Ҳиндистонда ақлбовар қилмас воқеа

Ҳиндистонда содир бўлган воқеа нафақат оила, балки бутун жамият эътиқодини ҳам синовга қўйди. 55 ёшли Шакил исмли эркак ўғлининг бўлажак турмуш ўртоғи — 22 ёшли Айша билан қочиб кетди ва тиллаларни ўзи билан олиб кетди. Бу ҳақда Pravilamag.ru хабар берди.

Шакил олти нафар фарзанднинг отаси ва уч нафар набиранинг бобоси бўлиб, ўғли Аманнинг уйланиши учун уни Айша исмли қиз билан таништирган.

Оила аъзолари ушбу никоҳга қарши бўлган, чунки қизнинг ижтимоий ва молиявий ҳолати уларникидан анча фарқ қиларди.

Тўйга тайёргарлик жараёнида Шакил бўлажак келиннинг уйига тез-тез бориб турарди ва бу хотинида шубҳа уйғотди.

Аёл бу ҳақда ўғлига айтган. Аман эса отасининг телефонидан Айшанинг яланғоч суратлари ва қўнғироқлар тарихи орқали улар орасида муносабат борлигини аниқлади.

Июн ойида Шакил “ишга кетяпман” деб уйдан чиққан ва Айша билан бирга Деҳли шаҳрига қочган.

У ўз оиласининг 200 минг рупий (тахминан $2 400) пули ва тилла жамғармаларини ҳам олиб кетган.

Бир неча кун ўтиб, у хотинига қўнғироқ қилиб Айшага уйланганини маълум қилган.

Аёлининг жавоби: “Айша ўғлимнинг келини бўлиши керак эди, энди эса эримнинг хотини бўлди”, — дея эътироз билдирди.

Ҳиндистонда мусулмон эркакларга тўрттагача хотин олишга рухсат этилган.

Аммо бошқа конфессиялар учун кўп хотинлилик жиноят ҳисобланади ва 7 йилгача қамоқ жазоси белгиланган.

Бундан ташқари, Шакил оилавий бойликларни ўғирлагани учун алоҳида 3 йилгача қамалиши мумкин.

Маҳаллий полиция маълум қилишича, жабрланувчилар ҳозирча расмий шикоят аризаси билан мурожаат қилмаган.

Аммо агар ариза берилса, ҳуқуқий чоралар кўрилиши тайинлиги таъкидланган.