Энергия ресурсларини ўғрилашга қарши жавобгарлик кучайтирилади
0
Олий Мажлис Қонунчилик палатаси ёқилғи-энергетика соҳасидаги ҳуқуқбузарликларга қарши чораларни кучайтиришга қаратилган қонун лойиҳасини биринчи ўқишда қабул қилди. Депутатлар электр энергияси ва газдан самарасиз фойдаланишга қарши кураш зарурлигини таъкидлашди.
. Ҳозирда фақат ташкилот раҳбарлари жавобгарликка тортилади, якка тадбиркорлар учун эса жавобгарлик тартиби белгиланмаган.
. 2024 йилда якка тартибдаги тадбиркорлар томонидан электр энергиясидан 17,6 мингта ва газдан 7,6 мингта қоидабузарлик ҳолати аниқланган.
. Янги қонун лойиҳасида якка тадбиркорлар маъмурий ҳуқуқбузарлик субъектлари сифатида белгиланмоқда.
. Электр ва газ тармоқларига ноқонуний уланиш учун жавобгарлик кучайтирилади.
. “Ўзэнергоинспекция” ва ИИВ, ФВВ ходимларига ҳуқуқбузарликлар юзасидан баённома тузиш ваколати берилмоқда.
2024 йил декабридан 2025 йил февралгача 167 та ноқонуний газ фойдаланиш ва 6472 та газ ўғирлаш ҳолати аниқланган. 133,8 миллион куб метр газ ноқонуний ишлатилган бўлиб, давлатга етказилган зарар 227,7 миллиард сўмни ташкил этган.
16 июн куни ўтказилган йиғилишда Шавкат Мирзиёев аҳолидан газ билан боғлиқ кўплаб мурожаатлар келиб тушаётганини таъкидлаб, муаммоларни икки ҳафтада бартараф этиш вазифасини юклатган.