Вашингтон Ирандағы жағдайға араласу бойынша шешімді екі аптада қабылдайды
Вашингтон Ирандағы жағдайға араласу мәселесі бойынша шешімді алдағы екі аптада қабылдайды. АҚШ президенті Дональд Трамптың мәлімдемесі 19 маусымда Ақ үйдегі брифинг кезінде оқылды. Одан Fox News тікелей эфирде хабар таратты.
Трамптың сөзінше, "келіссөз жүргізу мүмкіндігі болғандықтан" осындай мерзім таңдалған. Ақ үйдің баспасөз хатшысы Кэролайн Левитт "келіссөзге кім араағайын болуы мүмкін?" деген сұраққа жауап бермеді.
"Президент Трамп Ирандағы биліктің ауысқанына мүдделі ме?" деген сұраққа Левитт Трамп Иранда ядролық қару болмағанына мүдделі деп жауап берді.
"Трамп Иранмен тіке қақтығыстан қашып отыр ма?" деген кезде президент "дипломатиялық шешімге сүйенеді, бірақ күш қолдануда қорықпайды" деді.
Левиттің сөзінше, Иранның ядролық қару жасауға барлық мүмкіндігі бар. Енді бұл мәселе саяси шешім болып қалды деді ол. Егер Иранның рухани көсемі Әли Хаменеи мақұлдаса, Тегеран "бірнеше аптада" атомдық қару жасап шығара алады. Трамптың пікірінше, мұны қалған елдер, оның ішінде Ресей де қаламайды.