Xiaomi'dан iPad mini рақобатчиси — Redmi K Pad тақдим этилди

Xiaomi ўзининг яна бир янги маҳсулоти — Redmi K Pad планшетини тақдим этди. Ихчам дизайни ва кучли техник имкониятлари билан у Apple’нинг iPad mini’сига жиддий рақобатчига айланиши мумкин.

Redmi K Pad расман тақдим этилди, аммо нархи ҳали эълон қилинмаган. Мазкур қурилма июн ойи охиригача расмий савдога чиқарилиши кутилмоқда. Xiaomi тақдимот олдидан журналистлар учун кичик тадбир ташкил этиб, планшетнинг айрим техник деталларини маълум қилди.

Асосий техник хусусиятлар:

- Экран: 8,8 дюйм, IPS-матрица, 16:10 нисбат, 3K сифат, 165 Гц янгиланиш частотаси, 700 нит ёруғлик
- Процессор: 3 нанометрлик 8 ядроли Dimensity 9400+ чипи, максимал тезлик — 3.73 ГГц
- Графика: Immortalis G925 MC12 график тезлатгич
- Ўлчами: 132×???×6.4 мм, оғирлиги — 326 грамм
- Батарея: 7500 мА/соат, 67 Вт тезкор зарядлаш
- Операцион тизим: HyperOS 2 (Android 15 асосида)
- Овоз: юқори сифатли стерео динамиклар
- Портлар: 2 та USB Type-C
- Ранглар: Қора, бинафша ва яшил

Нарх ва глобал бозор

Redmi K Pad нархи ҳозирча очиқланмаган. Аммо маълумотларга кўра, планшет аввал Хитойда сотувга чиқарилиб, кейинчалик жаҳон бозорида ҳам тақдим этилади. Бу Redmi K80 Ultra’дан асосий фарқларидан бири бўлади.

Redmi K Pad нафақат ўз ўлчами билан, балки юқори частотали экрани, кучли чипсети ва Android 15’га асосланган HyperOS 2 тизими билан ҳам бозордаги рақибларини ортда қолдириши мумкин. Xiaomi'нинг бу янги планшети тез кунда бозорда энг кутилган қурилмалардан бирига айланиши кутиляпти.