Астана мен Алматыда алдағы күндері ауа райы қандай болады?
Алдағы күндері Астана мен Алматыда ауа райы құбылмалы болады. Жаңбыр мен найзағай күтіледі, ал елордада бұршақ жаууы мүмкін. 13-15 маусым аралығындағы ауа райы болжамы жарияланды, - деп хабарлайды Tengrinews.kz тілшісі.
Астанадағы ауа райы болжамы
13 маусымда елордада бұлтты ауа райы күтіледі, күндіз кей жерлерде жаңбыр, найзағай, бұршақ жаууы мүмкін. Жел оңтүстік-шығыстан оңтүстік-батысқа ауысады, түнде 2-7 м/с, күндіз 9-14 м/с, екпіні 15-18 м/с. Ауа температурасы түнде +17...+19, күндіз +27...+29.
14 маусымда синоптиктер бұлтты ауа райын, күндіз жаңбыр мен найзағай болатынын болжайды. Жел батыстан 9-14 м/с. Ауа температурасы түнде +18...+20, күндіз +26...+28.
15 маусымда да бұлтты ауа райы, кей уақытта жаңбыр мен найзағай күтіледі. Жел солтүстік-батыстан 9-14 м/с. Ауа температурасы түнде +17...+19, күндіз +24...+26.
Алматыдағы ауа райы болжамы
13 маусымда Алматыда бұлтты, бірақ жауын-шашынсыз ауа райы күтіледі. Жел оңтүстік-батыстан 3-8 м/с. Ауа температурасы түнде +19...+21, күндіз +29...+31.
14 маусымда бұлтты, өткінші жаңбыр мен найзағай күтіледі. Жел оңтүстік-батыстан 3-8 м/с. Ауа температурасы түнде +19...+21, күндіз +29...+31.
15 маусымда синоптиктер бұлтты ауа райын, өткінші жаңбыр мен найзағайды болжайды. Жел оңтүстік-батыстан 3-8 м/с. Ауа температурасы түнде +18...+20, күндіз +29...+31.
Сілтемесіз жаңалық оқисыз ба? Онда Telegram желісінде парақшамызға тіркеліңіз!