Microsoft Windows 11'да процессорни тежаш функциясини синовдан ўтказмоқда

Microsoft Windows 11'нинг синов версиясида (26200.5603) янги функция — "User Interaction-Aware CPU Power Management" жорий этилди. Бу функция фойдаланувчи фаоллигига қараб процессор юкламасини автоматик камайтиради. Агар маълум вақт давомида сичқонча ёки клавиатура фаоллиги аниқланмаса, Windows тизими фойдаланувчи фаол эмас деб ҳисоблаб, процессорни камроқ энергия сарфлайдиган режимга ўтказади. Фойдаланувчи фаоллиги қайта бошланганда, тизим тўлиқ ишлаш ҳолатига дарҳол қайтади.

Бу функция ноутбуклар учун батарея муддатини узайтиришга ёрдам беради. Энергия тежаш режими фоновда амалга оширилади ва фойдаланувчига халақит бермайди. Бу функция Windows 11'нинг 24H2 ва 25H2 версияларида жорий этилиши кутилмоқда, деб vgtimes.ru хабар берди.