Совет иттифоқи қочқини Олег Гордиeвский вафот этди
0
У Москвада НКВД ходимининг оиласида туғилган, МГИМОни тамомлаган ва КГБнинг Биринчи бош бошқармасига хизматга кирган. Дания ва Буюк Британияда совет агенти сифатида фаолият юритган. 1974 йилда Копенгагенда MI6 томонидан ёлланган ва кўп йиллар давомида Лондонга СССР ҳақида қимматли маълумотлар етказган.
1985 йилда Лондондан Москвага чақириб олиниб, унга шубҳа билдирилган. У Москвадан Ленинградга, у ердан Финляндия чегарасига қочиб, британ дипломатлари ёрдамида чегарадан ўтган. СССРда давлатга хиёнатда айбланиб, сиртдан ўлим жазосига ҳукм қилинган.
2007 йилда Буюк Британия қироличаси Елизавета II томонидан миллий хавфсизликка қўшган ҳиссаси учун Сент-Майкл ва Сент-Жорж ордени билан тақдирланган. У Ғарб махсус хизматларининг энг муҳим маълумот етказувчиларидан бири ҳисобланган.