ზელენსკიმ დავოსში მოუწოდა ევროპას შეიძინოს ამერიკული გაზი და მშპ-ის 5%-ით დააფინანსოს თავდაცვა
ზელენსკის მიჩნია, რომ ევროკავშირი, თავისი სუბიექტობის შესანარჩუნებლად, უნდა გახდეს "ძლიერი გლობალური მოთამაშე", როგორც თავდაცვისა და ეკონომიკის სფეროში. უკრაინას, ზელენსკის თქმით, ამაში ევროკავშირის დახმარება შეუძლია.
ამავე დროს, ზელენსკიმ გააკრიტიკა ევროკავშირის არაერთი ქვეყანა, განსაკუთრებით სლოვაკეთი, იმის გამო, რომ მათ სურთ გააგრძელონ გაზის შეძენა რუსეთიდან, ვიდრე, მაგალითად, მათი მოკავშირისგან, შეერთებული შტატებისგან.
ტრამპის სურვილზე, რაც შეიძლება მალე დასრულდეს ომი, ზელენსკიმ აღნიშნა, რომ მთავარია სამართლიანი და არა სწრაფი მშვიდობა. მან აღნიშნა, რომ უკრაინა არ არის მზად მიიღოს რუსეთის მიერ წამოყენებული პირობები, კერძოდ, ნატოში გაწევრიანების მისწრაფებების უარყოფა ან არმიის ხუთჯერ შემცირება. ამავე დროს, მან იმედი გამოთქვა, რომ ტრამპის პოლიტიკა ომის დასრულებას წელსვე შეუწყობს ხელს.
უფრო ადრე აშშ-ის პრეზიდენტმა დონალდ ტრამპმა განაცხადა, რომ ვლადიმერ პუტინი "ანგრევს რუსეთს" იმით, რომ არ ცდილობს მიაღწიოს შეთანხმება უკრაინაში ომის დასრულების შესახებ.
"ვფიქრობ, რუსეთს დიდი პრობლემები ექნება. ადამიანების უმეტესობას ეგონა, რომ ეს ომი ერთ კვირაში დასრულდებოდა. ვფიქრობ, მისთვის [პუტინისთვის] ძალიან კარგი იქნება ამ ომის დასრულება", - განაცხადა ტრამპმა 20 იანვარს ინაუგურაციის შემდეგ თეთრი სახლის ოვალურ ოფისში ჟურნალისტებთან საუბრისას.
ტრამპის თქმით, რუსეთ-უკრაინის ომში დაიღუპა ერთი მილიონი რუსი ჯარისკაცი და 700 000 უკრაინელი. ეს მნიშვნელოვნად მაღალია, ვიდრე სხვა შეფასებები დაღუპულთა რაოდენობის შესახებ.