امریکايي سناستور له ولسمشر ټرمپ څخه وغوښتل چې د ایران پر اتومي تاسیساتو برید وکړي
ښاغلي ګراهم له سيبيایس خبري چاینل سره په مرکه کې وویل: «له سیاسي لارې د ایران د اتومي پروګرام د له منځه وړلو چانس په ټریلیون کې یو دی. خو د امریکا په ملاتړ د اسراییل د پوځي اقدام له لارې یې احتمال ۹۰ سلنه دی.»
هغه ژمنه وکړه چې له ښاغلي ټرمپ سره به مشوره وکړي څو له اوسني وضعیت څخه د ایران د اتومي پروګرام د له منځه وړلو لپاره ګټه پورته کړي، ځکه د هغه په وینا د ایران حکومت په اوس وخت کې ډېر کمزوری شوی دی.
د پولیټیکو د راپور له مخې، په واشنګټن کې د سیاسي ټولنو اوسنۍ ارزونې ښيي چې د ایران اسلامي جمهوریت په عملي ډول د اتومي پوځي ځواک د ترلاسه کولو په درشل کې دی، او د سناتور ګراهم په باور، دیپلوماتیکې هڅې د ایران د اتومي وسلو د تولید مخه نه شي نیولی.