ირანის სპეცსამსახურები ტრამპის მკვლელობას ამზადებდნენ-აშშ-ის იუსტიციის სამინისტრო
კიდევ ერთი ეჭვმიტანილი, 51 წლის ფარჰად შაკერი, შეერთებული შტატების გარეთ, სავარაუდოდ ირანში, იმყოფება. ამერიკის ხელისუფლება მას უწოდებს რანის ისლამური რევოლუციის გვარდიის კორპუსის (IRGC) აგენტს. სავარაუდოდ ის ხელმძღვანელობდა თანამზრახველთა ქსელს, რომლებიც რამდენიმე, მათ შორის დონალდ ტრამპის მკვლელობას ამზადებდა.
ამტკიცებენ, რომ ირანის სადაზვერვო სააგენტოებმა შაკერს ნიუ-იორკში ებრაული წარმოშობის ორი ამერიკელი მოქალაქისთვის თვალ-ყურის დევნა და მათი მკვლელობის მომზადება დაავალეს. მასვე უნდა ედევნებინა ასევე თვალი ისრაელი ტურისტებისთვის შრი-ლანკაზე.
მიმდინარე წლის 7 ოქტომბერს მას, სავარაუდოდ, ტრამპის მკვლელობის გეგმის შემუშავება დაევალა.
აშშ-ის იუსტიციის სამინისტრო იუწყება, რომ ფარჰად შაკერი წარმოშობით ირანელია, მაგრამ ბავშვობიდან ცხოვრობს შეერთებულ შტატებში. მან ყაჩაღობის ბრალდებით 14-წლიანი სასჯელი მოიხადა, რის შემდეგაც 2008 წელს ქვეყნიდან გააძევეს. ამერიკის ხელისუფლების განცხადებით, ის რივერასა და ლოადჰოლტს ციხეში შეხვდა, სადაც სამივე ირანული სპეცსამსახურებმა გადაიბირეს.
აშშ-ის იუსტიციის სამინისტრომ ქვეყანაში პოლიტიკური მკვლელობების ჩადენის მცდელობაში, ბრალი წაუყენა პაკისტანის მოქალაქეს, რომელიც, სავარაუდოდ, ირანს უკავშირდება. FBI-ს გამომძიებლები თვლიან, რომ მისი სამიზნეები შეიძლება ყოფილიყვნენ დონალდ ტრამპი და სხვა ამჟამინდელი და ყოფილი ამერიკელი ოფიციალური პირები და პოლიტიკოსები.
შეერთებული შტატების ყოფილ და აწ უკვე არჩეულ პრეზიდენტს, რესპუბლიკელ დონალდ ტრამპს, 13 ივლისს ესროლეს პენსილვანიის შტატის ქალაქ ბატლერში, საარჩევნო მიტინგზე გამოსვლისას. ტყვიამ ტრამპს ყურის ზედა ნაწილი დაუზიანა. სროლისას დაიღუპა მიტინგის ერთი მონაწილე და ორი დაიჭრა. თავდამსხმელი სპეცსამსახურების თანამშრომლებმა მოკლეს.