რუსეთის სასამართლომ უკრაინელ სამხედროს ტერორიზმის მუხლით 12 წლით თავისუფლების აღკვეთა მიუსაჯა
გამომძიებლების თქმით, ზაპოროჟეცი 2022 წლის 9 მაისს ოკუპირებულ ხერსონში "უკვდავი პოლკის" მსვლელობის დროს ტერორისტულ თავდასხმას ამზადებდა. თავად ზაპოროჟეცმა სასამართლოს განუცხადა, რომ ის დილით ადრე გეგმავდა რუსული სამხედრო პატრულის აფეთქება, რათა კომენდანტის საათის გამო სამოქალაქო პირები არ დაზარალებულიყვნენ.
ზაპოროჟეცის თქმით, ის მაშინ დააკავეს, როდესაც ორი ის ორ ხელყუმბარას გაჭიმულ მავთულზე ამონტაჟებდა. ის გადაიყვანეს და ხერსონის ადმინისტრაციის შენობაში, სადაც სცემეს და აწამეს. ამის შემდეგ ზაპოროჟეცი გადაიყვანეს ხერსონის დაკავების ცენტრში, სადაც ცემის მუქარის ქვეშ აიძულეს ხელი მოეწერა ოქმზე, რომლის წაკითხვის უფლება არ მისცეს. ზაპოროჟეცი სამი თვის განმავლობაში იზოლირებულ საკანში იმყოფებოდა. იქ ის ასევე სცემეს და ელექტრო შოკით აწამებს. შემდეგ ხელბორკილები დაადეს, თავზე ტომარა ჩამოაცვეს და ანექსირებულ ყირიმში ჩაიყვანეს.
ბრალდებულის ადვოკატმა საქმის შეწყვეტა და ზაპოროჟეცის ომის ტყვედ აღიარება მოითხოვა, მაგრამ სასამართლომ ადვოკატის თხოვნა არ დააკმაყოფილა.