Սկոպյեում հանդիպել են Հայաստանի և Ռուսաստանի ԱԳ նախարարները
Բանակցությունները պատկերող լուսանկարը Տելեգրամի իր ալիքում հրապարակել է Ռուսաստանի ԱԳՆ պաշտոնական ներկայացուցիչ Մարիա Զախարովան։
Ռուսական «Ինտերֆաքս» գործակալության փոխանցմամբ` հանդիպումն ընթանում է դռնփակ ռեժիմում։
ՀՀ ԱԳՆ-ն ավելի ուշ հաղորդեց, որ ԱԳ նախարար Արարատ Միրզոյանը ռուսական կողմին ևս մեկ անգամ ներկայացրել է հայկական կողմի դիրքորոշումները երկկողմ և տարածաշրջանային օրակարգերի շուրջ ՌԴ քաղաքականության և իրականացրած քայլերի վերաբերյալ:
Ռուսական արտաքին քաղաքական գերատեսչության հաղորդմամբ էլ՝ Սերգեյ Լավրովը հաստատել է ռուսական կողմի պատրաստակամությունը՝ նպաստելու հայ-ադրբեջանական հարաբերությունների կարգավորմանը՝ հիմնված Ռուսաստանի, Ադրբեջանի և Հայաստանի ղեկավարների միջև 2020-2022 թվականների համար նախատեսված մի շարք եռակողմ համաձայնագրերի վրա, ներառյալ Երևանի և Բաքվի միջև խաղաղության պայմանագրի կնքումը։