Казакстан: аялынын өлүмүнө айыпталган экс-министрдин беренеси алмашты
“Ошондой эле кылмышты жашырып, полицияга кабар бербегени үчүн анын тууганы кармалып, убактылуу кармоочу жайга камалды. Ошол күнү ал тууганынын жанында болуп, оор кылмыш болгонун полицияга айткан эмес. Алтургай ал кылмышты жашырууга көмөктөшкөн”,- деди Умиралиев.
43 жаштагы мурдагы экономика министри аялы Салтанат Нукенованын өлүмүнө шек саналууда. 31 жаштагы аял ур-токмоктон жан берген. Министр 11-ноябрда эки айга камалган. Бишимбаев менен кошо окуя болгон Астанадагы гастроборбордун директору дагы камалган. Ал дагы кылмышты жашырууга көмөктөшкөн деп шектелүүдө.
Куандык Бишимбаев мурдагы президент Нурсултан Назарбаевдин тушунда Экономика министрлигин жетектеген. 2018-жылы ал коррупцияга айыпталып, 10 жылга камалган. Ага Кызылордо айнек заводунун курулушуна бөлүнгөн бир миллиард теңгени кымырып алган деген айып тагылып, 2019-жылы мөөнөтүнөн мурда бошотулган.
Анын аялынын өлүмү Казакстанды нес кылып, бийликтен зордук-зомбулукка каршы жазаны катаалдатууну талап кылган акция башталды.