ՀԱՄԱՍ-ը հայտարարել է Գազայում մարդասիրական հրադադարի երկարաձգման մասին
Գազայի հատվածում իշխող պաղեստինյան ՀԱՄԱՍ շարժումը այսօր հայտարարել է Գազայի հատվածում մարդասիրական հրադադարի երկարաձգման մասին: Այս մասին հայտնում է ՌԻԱ Նովոստին։
Ավելի վաղ գերիների ազատ արձակման գործընթացը շարունակելու միջնորդական ջանքերի ֆոնին մարտերի դադարը երկարաձգելու մասին հայտարարել էր Իսրայելի բանակը:
«Համաձայնություն է ձեռք բերվել զինադադարը 7-րդ օրը՝ հինգշաբթի երկարաձգելու մասին»,-ասվում է ՀԱՄԱՍ-ի հայտարարության մեջ:
Առավոտյան ՀԱՄԱՍ-ը հայտարարել է, որ Իսրայելը հրաժարվել է ընդունել իրենց մոտ որպես պատանդ գտնվող յոթ կանանց և երեխաներին և երեք զոհված պատանդների մարմինները՝ հրադադարի երկարաձգման դիմաց:
Նոյեմբերի 27-ին օրը ՀԱՄԱՍ-ն ու Իսրայելը Կատարի և Եգիպտոսի միջնորդությամբ պայմանավորվել են քառօրյա մարդասիրական հրադադարը ևս երկու օրով երկարաձգելու մասին՝ Գազայի հատվածում պահվող ավելի մեծ թվով իսրայելցի պատանդների ազատ արձակման համար:
Այսպիսով, հրադադարը գործում է մինչև նոյեմբերի 30-ի առավոտը: ԶԼՄ-ները գրել էին, որ Եգիպտոսը, Կատարը, ԱՄՆ-ն և Իսրայելը քննարկում են հրադադարը շարունակելու հնարավորությունը:
Իսրայելն ու Գազայի հատվածում իշխող պաղեստինյան ՀԱՄԱՍ շարժումը Կատարի միջնորդությամբ նոյեմբերի 22-ին ձեռք են բերել հակամարտության սրումից ի վեր առաջին մասշտաբային պայմանավորվածությունը․ կողմերը համաձայնել են չորս օրով դադարեցնել ռազմական գործողությունները ՝ միմյանց մոտ գտնվող տասնյակ պատանդների և ձերբակալվածների փոխանակման համար: Քառօրյա հրադադարը սկսել է գործել նոյեմբերի 24-ին, տեղական ժամանակով ժամը 07։00-ին (Երևանի ժամանակով ժամը 08: 00-ին):