Дар Туркия ба хотири филми "Ҳукми қонун" ҷашнвораи филми мустанад бекор карда шуд

Дар Туркия як ҷашнвораи қадимии синаморо, ки дар доираи он бояд филми мустанадеро дар бораи талоши кудато дар соли 2016 ба намоиш мегузошт, бекор карданд. Шаби ҷумъа  шаҳрдори Анталия Муҳиддин Бочек эълон кард, ки ҷашнвораи байналмилалии  филмҳои “Афлесуни тиллоӣ” баргузор намешавад.


Як рӯз пеш аз ин вазорати  фарҳангу туризми Туркия аз пуштибонии ин ҷашнвора даст кашид. Эътирози вазорат ба филми “Ҳукми қонун” буд, ки дар бораи мушкилоти як омӯзгор ва як табиб қисса мекунад, ки баъди ҳодисаи талоши кудатои 15 июли соли 2016 аз кори худ ронда шуданд.