Եթե ուզում ենք ունենալ հարատև պետականություն, պետք է շատ լուրջ քայլեր ձեռնարկենք հարևանների հետ հարաբերությունները կարգավորելու համար. Նիկոլ Փաշինյան
Նիկոլ Փաշինյանը POLITICO-ի հետ զրույցում վերահաստատել է իր աջակցությունը Միացյալ Նահանգների, Եվրոպական միության և Ռուսաստանի միջնորդությամբ անցկացվող բանակցություններին՝ Ադրբեջանի հետ խաղաղության համաձայնագրի հասնելու ջանքերի համար:
«Եթե մենք ուզում ենք ունենալ հարատև, հավերժական պետականություն, առաջին հերթին պետք է շատ լուրջ քայլեր ձեռնարկենք և շատ լուրջ ջանքեր ներդնենք մեր հարևանների հետ հարաբերությունները կարգավորելու համար»,- ասել է նա։
Խոսելով Ռուսաստանի հետ դաշնակցային հարաբերությունների մասին՝ Փաշինյանն ասել է, որ «դեռ երկար ճանապարհ կա անցնելու, մինչև արևմտյան երկրները կարող են դիտարկվել որպես լիակատար աջակցություն առաջարկող, որի կարիքը Հայաստանն ունի»:
«Մեր գործընկերները՝ ԵՄ-ն և Միացյալ Նահանգները նույնպես աջակցում են մեզ, երբ խոսքը վերաբերում է ժողովրդավարական բարեփոխումների օրակարգին»,- ասել է նա
«Չեմ կարող ասել, որ աջակցությունը և օգնությունը, որ մենք ստանում ենք, բավարար են մեր նպատակներին և մեր օրակարգերին ծառայեցնելու համար»,- հավելել է կառավարության ղեկավարը։