Ким Чен Инга Россия сафарида синглиси ҳамроҳлик қилмоқда

Ким Чен Иннинг синглиси ва Корея Меҳнат партияси Марказий қўмитаси раҳбари ўринбосари Ким Ё Чен КХДР етакчисига Россияга сафарида ҳамроҳлик қилмоқда. У Россия Президенти номидан акасининг шарафига ташкил этилган тантанали кечки овқатда иштирок этди, лекин музокараларда қатнашмади, деб хабар беради РИА Новости мухбири.

Аввалроқ, КХДР Марказий телеграф агентлиги (КCНА) томонидан Ким Чен Иннинг Шимолий Кореядан чиқиб кетишидан олинган суратларда Ким Ё Чен сураткашлар ёнида, бироқ Россия Федерациясига жўнаб кетаётган амалдорлар қаторидан алоҳида тургани акс этганди. Шунингдек, у Ким Чен Иннинг зирҳли поезди Россиянинг Хасан чегара стансиясига етиб келгани лавҳаларида ҳам кўринмади. Унинг акаси билан Россия Федерациясига поездда келган-келмагани ҳозирча аниқ эмас.

Чоршанба куни бўлиб ўтган Россия-Корея музокаралари иштирокчилари рўйхатига унинг исми ҳам киритилмаган, бироқ у КХДР етакчиси синов биносига ташриф буюрганида ва “Восточний” космодромидаги меҳмонлар китобига имзо қўйганида, шунингдек, тантанали кечки овқат пайтида ҳамроҳлик қилган.