Марказий Осиёнинг бешта давлати президентлари Душанбеда учрашади

14-15 сентябрь кунлари Душанбе шаҳрида Марказий Осиёнинг бешта давлати раҳбарларининг бешинчи маслаҳат учрашуви бўлиб ўтади.
Саммитда ҳужжатлар тўплами имзоланиши режалаштирилган бўлиб, улардан энг муҳими давлат раҳбарларининг якуний декларацияси бўлади.

Аввалроқ Тожикистон Ташқи ишлар вазирлиги Душанбе ҳам маслаҳат учрашуви доирасида 12 та қўшимча тадбир, жумладан, иқтисодий форум, олимлар форуми, фаол аёллар учрашуви, маданий дастур ва беш кишилик миллий таомлар кўргазмасини ўтказишни таклиф қилганини маълум қилганди.

Шу билан бирга, Душанбе шаҳрида Оролни қутқариш халқаро жамғармаси Давлат раҳбарлари кенгашининг навбатдаги мажлиси режалаштирилган бўлиб, унинг якунлари бўйича бир қанча қарорлар имзоланиши керак.

Қайд этилишича, бугун Марказий Осиё давлатлари раҳбарларининг маслаҳат учрашуви доирасида минтақадаги бешта давлат транспорт вазирлари иштирокида учрашув бўлиб ўтади.

Марказий Осиё давлатлари раҳбарларининг аввалги саммити 2022 йил 21 июль куни Қирғизистонда бўлиб ўтган эди.

Марказий Осиё давлатлари раҳбарларининг маслаҳат учрашувларини ўтказиш ташаббуси 2017 йилда Ўзбекистон Президенти Шавкат Мирзиёев томонидан илгари сурилган эди.