Գորիսի օդանավակայանը կարող է որպես ռեզերվային օգտագործվել, եթե Կապանի օդանավակայանի չվերթները չեղարկվեն․ Սանոսյան
Գորիսի օդանավակայանի վերագործարկման ուղղությամբ արդեն որոշակի աշխատանքներ կատարվել են:
Այս մասին ԱԺ-Կառավարության հարցուպատասխանի ժամանակ հայտնեց ՀՀ տարածքային կառավարման և ենթակառուցվածքների նախարար Գնել Սանոսյանը՝ պատասխանելով թե արդյո՞ք «Գորիս» օդանավակայանի վերագործարկման ուղղությամբ աշխատանքներ են տարվում, ընդգծեց, որ այդ ուղղությամբ որոշակի աշխատանքներ են իրականացվել։
Սանոսյանը հույս հայտնեց, որ Կապանի «Սյունիք» օդանավակայանի չվերթները չեղարկվելու դեպքում, նախատեսում են «Գորիսի» օդանավակայանը որպես ռեզերվային տարբերակ օգտագործել։
«Անելիքները վերաբերում են հիմնականում բուն թռիչքուղուն և կից ենթակառուցվածքներին, շենք-շինություններին, որոնք պետք է սպասարկեն քաղաքացիներին․ նախևառաջ անհրաժեշտ է կարգի բերել թռիչքուղին, համապատասխանեցնել ընդունված չափանիշներին»,- մանրամասնեց նախարարը։
Սանոսյանը նշեց, որ Կապանի օդանավակայանը ռեզերվային, հարակից այլ օդանավակայան չունի, և լինում են դեպքեր, երբ Կապանի չվերթները չեղարկվում են, Սյունիքից Երևան են վերադառնում, որովհետև այլ տեղ չունի վայրէջքի։
Ըստ նախարարի, «Գորիսի» օդանավակայանը կարող է որպես ռեզերվային օդանավակայան օգտագործվել։
Նախարարը նաև հիշեցրեց, որ Երևան-Կապան չվերթները 4 անգամ չեղարկվել են եղանակային անբարենպաստ պայմանների պատճառով։