Марокашдаги зилзиладан кейин вайроналар остидан 11 ёшли қиз қутқариб олинди
Марокашда зилзиладан кейин қидирув-қутқарув операцияси чоғида мутахассислар вайроналар остидан бир қизни топишди.
Зилзила Марракеш яқинидаги Талат-Ньякуб қишлоғида содир бўлган. Бола сейсмик ҳодисадан 48 соат ўтиб топилган.
Уйнинг вайроналари остида қолиб кетган 11 ёшли қиз қутқариб олинди. Шифокорлар унга билак синиши ташхисини қўйишди. Болага зудлик билан дала госпиталида тиббий ёрдам кўрсатилди.
Франциянинг BFM телеканали хабарига кўра, қизнинг онаси уйнинг қулаб тушиши оқибатида ҳалок бўлган.
Унинг опаларидан бири оғир жароҳатланган, амакиси ҳам жабрланган, деб хабар беради mir24.tv.